mysteriouseve
هنا، ألوذ في هدأة هذا الليل براحةٍ من قيظ النّهار. هنا، أحوك في الفكر خواطر، وأولّد على الشّفة بنات. هنا، ابتسامات حنين ترجّع صدى طفولةٍ نائية، وقصص حبّ طواها الزّمن. هنا، حلمٌ بغدٍ أجمل
تدوين تدوين
بعيداً عن الحرب واكسسواراتها، كريم بعتلي شويّة أسئلة مهضومة عن تقييم تجربتي في التّدوين وهيك. كتير منيح، لأنّو جايي عبالي شويّة رواق اليوم.


هل أنت راض عن مدونتك شكلاً وموضوعاً؟
شكلاً: كتّر خير إمكانيّاتي المتواضعة. أكتر من هيك ما بعرف حسّن بالشكل. فمبدئيّاً، راضية والذي منه.
مضموناً: يمكن لازمني بوستات أقل كآبة شوي. إذا بدّي عدّ الأشخاص اللي تفاجأوا لمّا قابلوني شخصياً (لأنو كان في صورة معيّنة بتفكيرهم)، مش رح إخلص. إيف جزء منّي بس مش كل اللي فيّ.

هل تعلم أسرتك الصغيرة بأمر مدونتك؟
إخواتي بيعرفوا. بيقروا لمّا يكونوا زهقانين، وما في شي أحسن يعملوه، على حد قولهم :)

هل تجد حرجاً في أن تُخبر صديقاً عن مدونتك؟ هل تعتبرها أمرا خاصا بك؟
أوّل شي، يمكن كنت أكتر حفاظاً على الخصوصية ومدري شو. بس هلّق، صار الكل لاحقهم طرطوشة خبر، وما عندي أيّ حرج. حتّى ما عندي مشكلة خبّر ناس كنت حاكية عنهم بالعاطل على هالمدونة. يمكن لأنو بعرف ما حدا منهم رح يقرا أصلاً. نعم، بعتبرها أمر خاص، بس ما عندي مانع إنها تكون واحدة من وسايل التّعريف فيّ بالنّسبة للي ما بيعرفوني منيح. أصدقائي المقرّبين بيقروا على قد إمكانياتهم، أو بيطلبوا منّي إقرالهم ببعض الجلسات.

هل تسببت المدونات بتغيير إيجابى لأفكارك؟
أكيد. بصير عندي اطّلاع على نوعيّات مختلفة من التّفكير، من النّقيض إلى النّقيض. وتعلمت ما طبّق أحكامي الجاهزة على بعض المدوّنين.

هل تكتفى بفتح صفحات من يعقبون بردود فى مدونتك أم تسعى لاكتشاف المزيد؟
أسعى لاكتشاف المزيد. يعني على قد ما بقدر لحّق على المدونات اللي عم تكتر يوم بعد يوم. بلا حسيدة يعني. بس في محطّات ثابتة لازم ازورها يوميّاً، ومحطّات أسبوعيّاً، ومحطّات ستيل "زوروني كلّ شهر مرّة". هيك شي.

ماذا يعنى لك عداد الزوار.. هل تهتم بوضعه فى مدونتك؟
بالأوّل كان شي جديد، وأكيد كنت مهووسة بهالاختراع اللي بقلك أيّ ساعة بيجي الزائر وأي ساعة بيروح، وكيف، وعن أيّ طريق، وشو عمل عندك، وقدّيه قعد، وكيف بيشرب القهوة... بس بعدين خلص. مع إنو بالشّهر اللي مضى، وبظلّ فوران الزيارات عالمدونات اللبنانيّة، كان عندي فضول أعرف مين المهتمّين بالأزمة والذي منه.

هل حاولت تخيل شكل اصدقائك المدونين؟
بطّلت. خاصّة بعد ما أثبتت محاولاتي الماضية بهالمجال عن فشلها الذريع. بس تقريباً أكتريتهم هلّق صرت أعرف شكلهم، ونسيت المرحلة اللي كانوا فيها كلمات بلا وجوه.

اعترف! هل ترى فائدة حقيقية للتدوين؟
طيّب طيّب، رح اعترف. أوّل شي، كانت فايدة شخصية، وطريقة لفش الخلق. وبالمدّة الأخيرة، ما في الواحد ينكر المجهود الكبير اللي عملته المدونات اللبنانية وطريقة ملاحقتها للأخبار وردة فعلها على اللي صار. مش رح قول إنّو التّدوين هو المبشّر بالفتوحات وكاسر الظّلمات، بس أكيد كان إلو دور مهم، وهيدي الحرب كانت أكتر حدث نشط فيه التّدوين.

هل تشعر أن مجتمع المدونين مجتمع منفصل عن العالم المحيط بك أم متفاعل مع احداثه؟
مع إنو المجتمعين ببينوا كتير متشابهين، ومع إنو أحداث عالم الواقع هي دائماً مراية معكوسة بعالم التدوين، بس بالنهاية هنّ شغلتين منفصلين. من جهة، في حياة "إيف" و"المجتمع التخيّلي"، ومن جهة تانية، في اللي هي مش إيف وحياتها اليوميّة. ازدواجية بركي.

هل يزعجك وجود نقد بمدونتك ؟ أم تشعر انه ظاهرة صحية؟
صراحة اللي بيزعجني هن الناس اللي بيسكتوا بيسكتوا، وبالآخر بيفطروا على نقد. يعني ما بيطلع صوتهم إلا إذا مسكوا عليّ شي غلطة، وبدهم ينتقدوني عليها. بس بشكلٍ عام، ما عندي مشكلة، مع إنّو أكيد ما حدا هالقد بينبسط لمّا يكون كاتب شغلة حاببها، وفجأة بيتلقى رسالة الكترونية: "مستواك عم يتدهور! خيّبتلي أملي!" (يلي بتعرف حالك، مش رح إعتقك أبداً :) )

هل تخاف من بعض المدونات السياسية وتتحاشاها؟ هل صدمك اعتقال بعض المدونين؟
خوف لأ. تحاشي بالأحرى لأنّها مش من ضمن اهتماماتي. مع إنّو دايماً بطلّ طلّة، وبقرا العناوين الرئيسية، للعلم والخبر مش أكتر. بفترة الحرب على لبنان، تغيّر هالشي، وصار بيهمني تابع ردود الفعل المختلفة. بالنّسبة للاعتقال، استغربت، بس بالنهاية كل شي متوقّع من العقول الرّجعية اللي بتخاف من صوت الشّباب.

هل فكرت فى مصير مدونتك حال وفاتك؟
يييي، كتير. حتّى كتبت شي عن هالموضوع من زمان، بس بعده مسودّة، ما صار في فرصة إنو انشره عالمدونة. يعني، كم شخص ح يسألوا "وينك غايبة"، ح يجي صديق يقلهم "خلص، ما بقى في داعي للانتظار"، وحدا من المدونين عالمنتدى اللبناني ح ينشر بوست "اليوم فقدنا صديقة عزيزة" (إنو هيك بتصوّر، أوعوا ما يطلعلي بوست يعني!). ومدونتي حتبقى هيك لحالها. والزيارات حتخف. ومن وقت للتاني، حدا حيقرا بوست قديم للذكرى. وبس.

آخر سؤال : ماذا تحب أن تسمع؟ ما الاغنية التى تحب وضع اللينك الخاص بها فى مدونتك؟
هو أنا ما بحب حط لينك أغنية بالسايد بار. صارت معي مواقف بايخة لما الصوت بيطلع فجأة، وبجرّصني بمواقف غير مستحبّة. بس هالايام، عم حبّ اسمع مايكل بوبليه بهيدي الغنيّة.

اكتب اسماء خمسة مدونين ليقوموا بهذا الاستقصاء بعدك .
خمسة بس؟ همممم... ضحى ، وتارا، ونرمينا، ونور، وريحان. وأكيد إذا حدا بدّو، أهلا وسهلا.
23 Comments:
  • At 18/8/06 5:50 م, Blogger hillz said…

    هه أخدنا نفس شوي من هالضغط اللي حوالينا.
    مش رح إفطر ع بصلة بس اسمو "مايكل بوبليه"

    وبعيدالشر.. ما بأى تجيبو سيرة الموت.. صرنا سامعين عنو كتير بهالشهر اللي مضي.

    موفقة.. ايف

     
  • At 18/8/06 6:03 م, Blogger hashem said…

    بيقروا لمّا يكونوا زهقانين، وما في شي أحسن يعملوه، على حد قولهم :)
    hehe...I don't beieve them!!

    nice song btw....

    and I agree with hilal...let's stop this death thing...

    take care

     
  • At 18/8/06 6:32 م, Blogger khalid jarrar said…

    give me a breaaaakkk!!
    hahaha:)
    me*

     
  • At 18/8/06 7:19 م, Blogger Eve said…

    هلال، عم تلعب دور أبو هلال :)
    ميرسي عالتصحيح، هيدي مش بصلة ولا شي :p

    هاشم،
    hinneh heik bi2oulo :)
    وأنا سرقت لينك الأغنية من عند ابن عبد العزيز على فكرة.

    Khalid,
    abadan, I love this ;)

     
  • At 18/8/06 10:23 م, Blogger khalid jarrar said…

    3ala kollin, bijeeki youm:))
    me*

     
  • At 18/8/06 10:51 م, Anonymous هناك said…

    والله إذا هيك ذوقك بالأغاني ابقي كتريلنا منها نتفة :-)

     
  • At 19/8/06 12:17 ص, Blogger arch.memory said…

    Walla, ma ishbik shee, mahdoumeh, w bitla3 minnik! ;)

    No, seriously, nice break. And yes, I agree with Hashem and Hilal, kifaya nakad! Bala el-mot w sirto...

     
  • At 19/8/06 5:07 ص, Blogger hillz said…

    أنا قلت ما تجيبو سيرة الموت بس كل ما عم بكتب شي عم يطلع إنو عن الموت..

    ما بعرف قديش رح تطول الحالة..

     
  • At 19/8/06 1:04 م, Blogger Eve said…

    Khalid,
    min albak 3am bit2oula? :)

    هناك،
    تكرم عينك!

    Ash,
    ya3neh bmasheh 7aleh :p

    Hilal,
    هنّ الحياة والموت متلازمين، ما فيك تفصلهم عن بعض.

     
  • At 19/8/06 1:37 م, Blogger نون النساء said…

    حبيت وايد اجابتج عن النقد
    احسها كانت اتعبر عن اللي بخاطري وكان ودي اقوله

    :P

     
  • At 19/8/06 2:49 م, Blogger angelus said…

    cool de lire tes réponses, interessant de voir comment certaines de tes répliques ressembleraient aux miennes!!!

    pour moi, tu es la seule personne qui c qui je suis, et je regrette un peu, parce que g l'impression que tu as une drole d'image de moi, alors depuis j'evite de dire qui est angelus, c mieux de rester dans l'ombre de son blog!!! c une protection
    a+

     
  • At 19/8/06 4:28 م, Blogger Moia said…

    :))
    وحشتينى يا ايف .. بجد وحشتينى :)

     
  • At 19/8/06 6:08 م, Blogger Arabian Princess said…

    Nice to read something aside from the usual sad posts I got addicted to during the war .. to me you were a voice from inside lebenon ..
    and great answers, I share alot of them :)

     
  • At 19/8/06 6:22 م, Blogger angelus said…

    si tu as envie d'evaison passe a la maison (mon blog) a+

     
  • At 19/8/06 7:56 م, Blogger Abdou Basha said…

    مكنتش فاكر إن حد فكر في مدونته حيحصلها إيه بعد وفاته
    :)
    السؤال لما اتسال لي اتفاجئت بيه رغم إنه بديهي..
    **
    مرحبا بعودتك يا إيف

     
  • At 19/8/06 10:22 م, Blogger khalid jarrar said…

    great now play innocent and give me these puppy looks so i feel even more horrible!
    women!
    me*

     
  • At 20/8/06 12:10 ص, Anonymous the master said…

    hi eve
    ur blog is the evidance of the what will happen if eve express her emotions on the keypord- instead of the poor guys- , and for how much this emtions can be very enjoyable to read rather to listen.
    if u were dead every single user who used to read this blog , will come by to read ur blog forever so he will be able to understand his eve and how she use her mind .

    i wish best of luck for u and lebanon.
    yours
    the master

     
  • At 20/8/06 10:08 ص, Blogger Nerro said…

    :) عمري ما فكرت في حكاية ايه اللي هيحصل للمدونة بعد ما اموت..التاج في الفرن يا ايف..هبتدي فيه كمان شوية :)

     
  • At 20/8/06 12:20 م, Blogger Eve said…

    نون،
    لاحظت للتو إنك رديت عالأسئلة، رح انتقل دغري لعندك وإقرا :)

    angelus,
    drole d'image? comment ca?

    Moia,
    mouah! ;)

    Arabian Princess,
    أهلا وسهلا فيك دايماً!

    Abdou Basha,
    شكلي آخر واحدة جاوبت عالأسئلة :p

    Khalid,
    tayyeb ya ibn el jarrar, tayyeb ;)

    the master,
    wein hal ghaybeh? shta2nelak!

    Nerro,
    I'll stay in tune :)

     
  • At 20/8/06 6:45 م, Blogger linalone said…

    ايه والله، رزق أيام التاغ.
    آخ من الموت لاحقنا وين ما كان؟

     
  • At 20/8/06 6:45 م, Blogger linalone said…

    أزال أحد مشرفي المدونة هذا التعليق.

     
  • At 22/8/06 3:40 م, Blogger angelus said…

    drole d'image dans le sens ou tu es te dis surement que je suis zinzin!!!!

     
  • At 3/9/06 3:09 م, Anonymous 7ala said…

    ah hayyek 3amlah :)
    ma entabaht ennek 3amlah ragm enny katabt esmek 3shan te3maleeh ... yalla mnee7 :)

     
إرسال تعليق
<< Home
 
About Me

Name: Eve
Home: Beirut, Lebanon
See my complete profile




Who Are You?

Free Guestmap from Bravenet.com Free Guestmap from Bravenet.com

الموووود

My Unkymood Punkymood (Unkymoods)

بعضٌ منّي... بعضٌ منهم
هفوات مبارح
هفوات بعيدة

على الرّف

dominique

Powered by

15n41n1
BLOGGER