mysteriouseve
هنا، ألوذ في هدأة هذا الليل براحةٍ من قيظ النّهار. هنا، أحوك في الفكر خواطر، وأولّد على الشّفة بنات. هنا، ابتسامات حنين ترجّع صدى طفولةٍ نائية، وقصص حبّ طواها الزّمن. هنا، حلمٌ بغدٍ أجمل
ما تسألني

destruction 036



ولمّا تسألني، رح خبرك عن مرجوحة، كان ممكن تكون إلنا... واتنين، كان ممكن يكونوا نحنا... قاعدين فيها بلا ما نحكي، إنت لبعيد عم تتطلّع وأنا مش عم بتطلّع بشي...

لمّا تسألني، رح خبرك إنّو بطّل فيك تجي لعنّا... عند اللي كان ممكن يكون "عنّا"... مش لأنّو بيّي بعيّط عليّ، ولا لأنّو الجيران بيحكوا علينا، ولا عشان المرجوحة اللي بتْزَيْزِئ باللّيل...


لأنّو بيّي اتهجّر...
والجيران سافروا...
والمرجوحة، ماتت برصاصة رحمة.

ما فيك...
لأنّو بطّل في "عنّا".



* الصّورة من منطقة الضّاحية بعد الدّمار. أنقر الصّورة للمزيد من المشاهد الملتقطة بالأمس.
17 Comments:
  • At ١٦/٨/٠٦ ١١:١٤ م, Anonymous غير معرف said…

    يالله يا ايف شو بحب اقرالك

    بعرف انه الكتابة احيانا بتكون وجع بس بترجاكي لا تطولي بين بوست والتاني لاني عم اشتقلك

     
  • At ١٦/٨/٠٦ ١١:٥٨ م, Blogger Ramzi said…

    صار الوطن كلّو مرجوحة, بتدفش فيها يد مجنونة

     
  • At ١٧/٨/٠٦ ١٢:٤٠ ص, Blogger صاحب البوابــة said…

    تحياتي لصدق مشاعرك

    وتحياتي للبنان الرائع

     
  • At ١٧/٨/٠٦ ٢:٥٢ ص, Blogger arch.memory said…

    Allah yir7am el-marjou7a, willi ta7t el-marjou7a, willi keno 3al marjou7a...

    Wil el-7amdilla 3ala salemtik, Eve. W salemit kil lli silim. La halla2, wi nshallah deyman.

    Eh, shta2nelik...

     
  • At ١٧/٨/٠٦ ٣:٥٦ ص, Blogger Hashem said…

    طول ما إنت هونيك...وهوّ قادر يجي
    بكرة بترجع المرجوحة تزيزيء وتعلى فيك وفيه...لفوق لفوق
    وصوت إختك الصغيرة عم تحتج..دوري...دوري!الحمدلله عالسلامة:)

     
  • At ١٧/٨/٠٦ ٧:٠٥ ص, Blogger _z. said…

    Eve! amazing as always. Beautiful! and the picture is excellent, I almost mistook it for a poster.

     
  • At ١٧/٨/٠٦ ١:٠٦ م, Anonymous غير معرف said…

    tayreni 3a lebnan w shla7ni
    b7ob w 7anan marje7ni
    hawa lebnan m3azbni
    bdrob el amal wa3edni....

    l7amdellah 3a salmeh EVE.

     
  • At ١٧/٨/٠٦ ٢:٤٥ م, Blogger Eve said…

    ديم،
    :)))
    وإنت كمان ما تضربي عن الكتابة، عندك واجب تجاه القراء

    رمزي، بتخوّفني لما تكتب بالعربي..

    صاحب البوابة،
    شكراً لك، تعا دايماً

    هاشم،
    hehe, ta3eh sma3eh ya ekhteh el zghireh :)

    Arch,
    thank you dear :) hamdellah 3a salemet kil 3ayleh. I thought of you when I was there..

    z,
    3younak 7elween ;)

    Allah ysalmek ing!

     
  • At ١٧/٨/٠٦ ٢:٥٧ م, Blogger Laila K said…

    bokra the sun will rise again and they will yfa20 bzoorat under the stars 3al marjoo7a.

     
  • At ١٧/٨/٠٦ ٥:٣٣ م, Anonymous غير معرف said…

    Hi Eve,
    Remember few months ago I mentioned to you that I am taking my family to visit Lebanon... well, we did, and it was one of our best vacations up until the 12th, the day the war started.

    We were able to get out on the 18th, my fleeing route included Syria, Jordan, & France before hitting US soil.

    Our kids had a blast, they are speaking Arabic now (well, few words), and guess what... My wife and I were two of the very few lucky people who got to see Fairuz live for one show, ironically, it was also on the evening of 12th, in Baalbeck, the city of the sun.

    I am still watching TV about 7 hours every night to keep up with what is going on back home, flipping from one channel to another just to get a glimpse of a place we'd visited or a street that we'd walked on... I can't help it... I feel so bad that I had to leave so many loved ones behind.

    Our thoughts are with all of you...

     
  • At ١٧/٨/٠٦ ٩:٢٢ م, Blogger Aladdin said…

    مبروك وقف العمليات العسكرية بالجنوب ... عقبال رحيل آخر قدم "إسرائيلية" عن التراب اللبناني ... ربنا معكم في "إعادة الإعمار".

     
  • At ١٧/٨/٠٦ ٩:٢٩ م, Blogger yaser said…

    eve,
    i admire your blog especially as it is written in arabic
    i am glad that this war madness finally ended
    3asha loubnan

     
  • At ١٨/٨/٠٦ ١٢:٠٦ ص, Anonymous غير معرف said…

    لا معنى للكتابة و لا للكلام لمثلي الذي شاهد الحرب في التلفاز ؛ لذلك لن اقول شيئا الا الله معكمواعلموا ان لبنان في قلب كل تونسي

     
  • At ١٨/٨/٠٦ ٩:٢٤ ص, Blogger ibn_abdel_aziz said…

    فيه " عندكن " لأنو
    بيّك رح يرجع
    والجيران رح يرجعوا
    والمرجوحة راح ترجع تْزَيْزِئ باللّيل

    Opps , i am speaking lebanese now :)

    They opened the Airport today ..
    it seems that seeing Lebanon now , can be a dream come true inshallah :)

     
  • At ١٨/٨/٠٦ ٢:١٠ م, Blogger Eve said…

    PM,
    w yeklo bouza kamein :)

    Anomymous,
    Khay! I'm so glad you made it! I thought this war would have changed your plans, bass 3an jad you made me very happy!! you'll come back, sah?

    Aladdin,
    allah yesma3 minnak

    yaser,
    thank you, nawwaret.

    Adam,
    ahla w sahla, thx you.

    Ibn Abdel Aziz,
    very good lebanese kamein :)
    yalla, natrinak.

     
  • At ١٩/٨/٠٦ ٩:١٥ ص, Blogger ibn_abdel_aziz said…

    Re :"Ibn Abdel Aziz,
    very good lebanese kamein :)
    yalla, natrinak.
    "
    Well, i speak palestanian fluently since i was in Kuwait ..lebnayny , ya3ny 3al 2ad :)

    Looking forward to visiting Lebanon inshallah , i am making a budget study as we speak.

     
  • At ٢٧/٨/٠٦ ٢:٣٣ ص, Blogger Sarah ElTobgy said…

    Firstly, i would like to congratulate you for winning the war...
    Though it does not sound apealing to me congratulations ba3d elly 7asal..
    b ba3d ma 7assieto b takhazol el 7okoomat el 3arabeyya...
    7aga te2ref like we say in Egypt...

    and i would like to tell you the this post reminded me of Reemi Bandaly's song "عطونة الطفولة"

     
إرسال تعليق
<< Home
 
About Me

Name: Eve
Home: Beirut, Lebanon
See my complete profile




Who Are You?

Free Guestmap from Bravenet.com Free Guestmap from Bravenet.com

الموووود

My Unkymood Punkymood (Unkymoods)

بعضٌ منّي... بعضٌ منهم
هفوات مبارح
هفوات بعيدة

على الرّف

dominique

Powered by

15n41n1
BLOGGER