في شي مسخرة عم بيصير هالإيّام. مش هبل... مش صدفة... مسخرة كبيرة!
من جهة، عندكم ناس بتنزل "تنتفض" بالشّوارع، مع لزوم عدّة التّكسير وعرض العضلات، لأن برنامج تلفزيونيّ جرح مشاعرها.
من جهة تانية، متل هالوقت بالسّنة الماضية، في ناس كمان نزلت عالشّوارع، لأنّو صاحب انتفاضة الاستقلال انسرق منها. بلا ما تحسّ.
أمّا كيف، بين سنة وسنة، وصلنا، بالأحرى انحدرنا، لهون، فهيدي المسخرة بحدّ ذاتها... وأنا... ليش دايماً هيك أنا؟ بس لمّا بدّي إحكي عنّه، بستعير كلمات الباقيين... أو بسكت وما بعرف إحكي. بصراحة، أنا عنّه ما بعرف إحكي. بعرف بس إطّلع على صورته هوّ وعم يضحك، وإحكيه عالسّكت. وإضايق عالسّكت. نقطة عالسطر. سمير قصير... وينك بقى... اختنقت من كترة الصّور، والشّعارات، وكل اللي عم بيصير... اشتقتلك.
*اللّوحة من هذا الموقع.
|
allah yer7amo and all the martyrs that gave with no limits.
allah yer7amo.