أوقات بكون عم سوق سيّارتي بآخر الليل، وبتضيّعني الشّوارع. أوقات، في حدا بيفكّ عنّي حزام الأمان، بيدعس بنزين، وبيصير يضحك عكل الإشارات الحمرا. حدا بيشبهني بس مش أنا. بيصير يسرع، ويشفّط، وعشوي رح يخبط بكم سهران، بعدهم عم بفتشوا عآخر نقطة من قنّينة ويسكي تعيس... بسمع صوته عم يضحك جوّة راسي، وعشان هيك بقدّر إنّو... مش أنا. القصّة كلّها ما بتاخد خمس دقايق، برجع بعدها بنتبه لحالي. بصفّ السيارة عجنب، بشارع مش شايفته بحياتي. بدّي إحكي بس ما فيّ. بالآخر بسأله، هيدا اللي بيشبهني: "لوين وصّلت حالي أنا؟"
بأكترية الأوقات، ما بكون عم إسأل لا عن السيّارة... ولا عن الطّريق. |
Ana biseer ma3eh mitlik.
Bass hon birfa3 hal telephone, w bi7keh ma3 7ada. Ayya 7ada.
Baddeh illik shaghleh ba3d: Illeh sihran ma3 anneent el whiskey mitlik kamen. 3am yid7ak 3al ishara el 7amra, bass bala siyyara.