"مرحبا، كيفكم فوق؟ مرتاحين؟ لحظة، لحظة. واحد، واحد. اسم الله على كترتكم، مش عم بسمع شي. سمير، مش وقت تحليلات سياسية إنت وجبران هلّق. بعدكم بهالعادة؟ ما شفتوا السياسة لوين وصّلتكم! قلنالكم مية مرّة كترة السياسة "مضرّة بالصحة"، ما فهمتوا علينا *غمزة غمزة*. اليوم، جايي لعندكم "روم-مايت" جديد. شبّ أوّل طلعته. إيه، ما نحنا كنّا زهقانين، وقلنا أحلى دوا نتسلى باللبنانيّي شوي. ما هنّ هيك هيك ما بيلقوا غمزة: واحد بيخوّن التاني، وغيره بيحرد وبينسحب، وهيداك بيستعرض عضلاته بالشّارع. يعني شي خلنج من اللي بتحبه قلوبكم. آه.. قصدي لمّا كان عندكم قلوب. لأ ولوووو. أيّ محكمة وأيّ تحقيق! أنا بقول بِبَلشوا.. يفكروا.. يفتشوا عن اللي قتلكم لما يصير عددكم، فوق، أكتر من عددنا تحت. ولَوْ، كلو بيهون كرمال القضيّة!"
يلعن أبو "هالقضيّة" اللي ما كانت تشبع من الدّم!
|
:(